2010好冷好冷的冬天,歐洲大雪,倫敦機場停擺,還好台北尚有微弱的冬日!



 
文/北緯25度  圖/Felicia  

今仔日早起阿爸 tshuā(1)一家伙仔去駁岸邊踅踅。  

阮看見一隻白翎鷥徛佇溪仔墘洗面,水紅仔色的尾蝶仔踮草埔頂頭飛來飛去,春風輕輕吹來,野草嘛咧輕輕向腰(2),變成了一片佇咧跳舞的青色海湧。我歡喜牽起阿母的手講:「青色的春天我尚愛!」  

1:帶  tshuā  2:彎腰 ànn-io

 




阿爸笑笑應講:「小海佮意春天,但是阿爸感覺熱天嘛(袂)bē-bái(3)」我想起舊年熱天阿爸出差提轉來的相片。藍色的天頂,一大片足的茄仔色的薰衣草,白色的風車輪仔佇花田中間勻勻仔運轉。





猶有,熱天的黃昏,阮一家伙仔定定佇咧海沙埔走來走去逐海湧,chi了足歡喜。阿爸講:「熱天親像一gua的畫圖師,用藍色畫出開闊的海佮天。」  

3:不錯  bē-bái/buē-bái 

 





阿姐問阿母尚中意佗一个季節?阿母摸摸阿姊的頭鬃講:「阿母尚愛秋天啊!」  

阿母的故鄉佇咧山內,細漢伊尚愛秋季滿山四界走,佮朋友比賽啥人抾著(4)的紅色落葉尚多!阿母習慣佮尚媠的彼片葉仔硩入冊內底做紀念。





聽阿母講有一年中秋真趣味,彼暝山頂天星足多足光,一粒流星按懸懸的河溪(5) 跋踮因的眼前,伊佮朋友拼命向山腰走去,欲去揣彼粒行毋知路去的流星。

 4:撿到 khioh-tio̍h           5:銀河

 


 




阿姊紲落去講:「春天、熱天、秋天攏予逐家揀去,我只好揀寒天囉!我尚愛佮阿母踮寒天做伙一面泡溫泉,一面開講啦!  

我佮阿爸聽了嘛頕頭,舊年寒天,我佮阿爸鬥陣泡溫泉,做伙欣賞窗仔外白色的山雺真趣味。

 





阿姊閣講:「猶有,記得有一年草山山頂落雪,阿爸專工綴逐家上山欣賞落雪,咱一家伙仔合力做出一个足古錐的雪尪仔!」阿姐講伊真懷念白色的落雪滿山嶺的景緻,彼片銀白色的世界,實在有夠迷人!

 

 


阮一家伙仔一面講笑,一面欣賞溪仔墘風景。 

溪埔的白翎鷥這時陣當咧翹起正腳,用喙整理身軀頂的毛。我佮阿爸雄雄發現阿母佮阿姊嘛攑懸正手捋(6)頭毛,動作佮白翎鷥拄拄仔好一模一樣,逐家忍不住同齊笑出聲。陣陣東風傳來春草的芳味,予人足快活!  

阿爸講:「四季各有特色,無仝的季節有無仝的光景!攏真媠!」我想無論是青色的春天、藍色的熱天、紅色的秋天,抑是白色的寒天,會當一家伙仔鬥陣欣賞四季媠色奇妙的變化,這才是季節替換中予人尚感動的所在啊!                                         


6 lua̍h 

〈2010閩語組創意繪本競賽甲組第二名〉


 

譯文:

週末的早晨阿爸帶全家到河堤邊散步
一隻白鷺鷥佇立在綠波中洗臉
粉紅色的小蝴蝶在草原飛上飛下
春風輕輕吹過

草原上的野草跟著輕輕彎腰

變成了一片跳著舞的綠色海浪

我拉著媽媽的手開心地說:「綠色的春天我最喜歡!」

 

爸爸笑笑說:「小海喜歡春天,但是爸爸覺得夏天也是個美好的季節。」

我想起爸爸去年夏天出差時拍回的照片

紫色的薰衣草在藍天下綻放

白色的小風車在花田間輕輕轉動

還有,我們常常在夏天的傍晚

在沙灘上來來回回追逐海浪

爸爸說:「夏天是一位熱愛藍色的畫家,畫下遼闊的海和天。」

 

姐姐問媽媽最喜歡哪個季節?

媽媽摸摸我們的頭說:「媽媽喜歡秋天。」

媽媽的故鄉在山上

小時候她最喜歡滿山遍野的和同伴比賽誰能撿到最多的紅色落葉

媽媽總是將最美的那一片壓在書本裡作成書籤

媽媽說有一年中秋

那晚,山上的星星很多很亮

一顆流星從高高的銀河上跌落在她眼前

她和同伴興奮地朝小山坡拼命跑去

想找到那顆迷路的星星

 

姐姐笑說:「春夏秋都被你們選走了!那我只好選冬天啦!我最喜歡跟媽媽在寒冷的冬天一邊泡溫泉一邊聊天了!」

我和爸爸同意的點點頭,想去年冬天我跟爸爸一起泡著熱呼呼的溫泉,欣賞著玻璃窗外白色的霧氣。

姐姐繼續說:「還有,記得有一年草山山頂下雪,爸爸專程帶我們上山賞雪,我們一家人合作堆了一個可愛的小雪人嗎?」

姐姐説她好懷念白色的雪花灑滿大地的樣子,她喜歡那片乾淨美麗的銀色世界。

 

我們一家人一邊說說笑笑,一邊欣賞河岸風光

河畔的白鷺鷥這時候正翹著右腿,

用嘴巴整理身上的羽毛

我和爸爸忽然發現媽媽跟姐姐也同時舉起右手梳起頭髮

動作跟白鷺鷥一模一樣,大家忍不住一起哈哈大笑。

陣陣涼風帶來春草的芳香,讓人感覺好輕鬆

爸爸說:「一年四季各有各的特色,不同的季節有不同的丰采!」

不論是綠色的春天、藍色的夏天、紅色的秋天或是白色的冬天,

能和最心愛的家人在一起,體會季節繽紛美妙的色彩變化

這才是四季最幸福動人的風情。


 

arrow
arrow
    全站熱搜

    Kelly3723 發表在 痞客邦 留言(12) 人氣()